இலங்கை நாணயம் 3 வீதத்தினால் குறைப்பு செய்யப்படவுள்ளது என்று இலங்கை மத்திய வங்கி ஆளுனர் அஜித் நிவாட் கைப்ரால் அறிவித்திருந்த நிலையில் நாடாளுமன்றத்தில் நேற்று முன்தினம் வரவு செலவுத் திட்டத்தை சமர்பித்த ஜனாதிபதி மகிந்த ராஜபக்ச நாணய மதிப்பிறக்கம் யோசனையை தெரிவித்தார்.

இதை அடுத்து இலங்கை மத்திய வங்கி ஆளுநரிடம் கேள்வி எழுப்பிய போதே ரூபாவின் மதிப்பு 3 வீதத்தினால் நேற்று குறைக்கப்படவுள்ளதாக உறுதிப்படுத்தினார். இதனால் 113.50 ரூபாவாக அமெரிக்க டொலர் உயர்வடைந்துள்ளது.

ஐரோப்பிய கடன் நெருக்கடியை அடுத்து பிலிப்பைன்ஸ் தொடக்கம் மலேசியா ஆகிய ஆசிய நாடுகளைப் பின்பற்றி இலங்கை இந்த நடவடிக்கையை எடுத்துள்ளது.

இந்தியா தொடக்கம் தாய்லாந்த வரையான கொள்கை வகுப்பாளர்கள் தமது நாணயத்தின் பெறுமதியை குறைக்க அனுமதித்த போதும் இலங்கை ரூபாவின் மதிப்ப இந்த ஆண்டு இலங்கை ருபாவின் மதிப்பு 0.5 வீதம் அதிகரித்ததாகவும் அவர் கூறியள்ளார்

யாழ்.கச்சேரியடிப் பகுதி, புன்னாலைக்கட்டுவன் பகுதிகளில் நேற்று முன்தினம் இரண்டு வீடுகளில் புகுந்த கொள்ளையர்கள் அங்கிருந்த 83 பவுண் நகைகளைக் கொள்ளையடித்துச் சென்றனர்.

இனப்பிரச்சினைக்குத் தீர்வுகாணும் வகையில் அரசமைப்பிலுள்ள விடயங்களை ஆராய்ந்து அறிக்கை சமர்ப்பிப்பதற்கென நாடாளுமன்றத் தெரிவுக்குழு ஒன்றை நியமிக்கக் கோரும் பிரேரணை நாடாளுமன்றில் நேற்று முன்மொழியப்பட்டு அங்கீகரிக்கப்பட்டது.

• இந்தத் தெரிவுக்குழுவில் மக்கள் பிரதிநிதிகளான 31 பேர் இடம்பெறவேண்டும்.
• தெரிவுக்குழுவின் தலைவரை சபாநாயகரே நியமிப்பார்.
• இத்தெரிவுக்குழுவினர் தமது பரிந்துரை அறிக்கையை நியமிக்கப்பட்ட தினத்திலிருந்து ஆறு மாதங்களுக்குள் சமர்ப்பிக்கவேண்டும்.

• அனைத்து இனமக்களும் தமது தனித்துவத்தையும்,  பாதுகாப்பையும், மேம்படுத்தவும், கண்ணியமாகவும், பாதுகாப்பாகவும் ஒரே தேச மக்களாக வாழ்வதை உறுதிப்படுத்தல்.
• இலங்கையில் வாழும் மக்களின் மத்தியில் ஐக்கியத்தை மேம்படுத்துதல்.
• சமூக, பொருளாதார, அரசியல் மற்றும் கலாசார அபிவிருத்திகளை மேம்படுத்துவதற்கு தத்துவமளித்தல்.
  
  தெரிவுக்குழுவுக்கான அதிகாரங்கள்
•  அவசியம் எனக் கருதும் எவரையும் அழைத்து விசாரிக்கவும், ஆவணங்களைப் பரிசீலனை செய்யவும் 
•  இவ்வாறு அழைக்கப்படும் நபரை சத்தியப்பிரமாணம் அல்லது உறுதிமொழியின்பேரில் விசாரணை செய்யவும் 
• தெரிவுக்குழுவுக்கு துணைபுரியும் பொருட்டு உரிய துறையிலுள்ள நிபுணர்களினதும், வல்லுநர்களினதும் சேவைகளைப் பெற்றுக்கொள்ளவும் 
• காலத்திற்கு காலம் இடைக்கால அறிக்கைகளைச் சமர்ப்பிக்கவும் இந்தத் தெரிவுக்குழுவுக்கு அதிகாரம் அளிக்கப்படவேண்டும் எனவும் இந்தப் பிரேரணையில் குறிப்பிடப்பட்டுள்ளது. 

மட்டக்களப்பு மாவட்டத்தில் கடந்த ஒருவார காலமாகப் பெய்து வரும் கடும் மழை காரணமாக மாவட்டத்தின் பல இடங்களில் வெள்ளம் ஏற்பட்டுள்ளது.

கிரான் பிரதேச செயலகப்பிரிவில் மக்கள் இடம்பெயர ஆரம்பித்துள்ளதாக மாவட்ட அனர்த்த முகாமைத்துவ நிலைய உதவிப் பணிப்பாளர் எஸ்.இன்பராஜா தெரிவித்தார்.

இடம்பெயர்ந்தவர்களில் சிலர் வாழைச்சேனை கிண்ணையடி வித்தியாலயத்தில் தங்கியுள்ளனர். தொடர்ந்தும் கடும்மழை பெய்து வருவதால் இடம் பெயர்வுகள் தொடர்ந்து அதிகரிக்குமென

தமிழீழ விடுதலைப் புலிகள் அமைப்பின் சார்பில் நிதி திரட்டல் நடவடிக்கைகளில் ஈடுபட்ட குற்றத்திற்காக ஐந்து இலங்கையர்களுக்கு நெதர்லாந்தின் ஹேக் நீதிமன்றம் சிறைத்தண்டனை விதித்துள்ளது.

நெதர்லாந்து வாழ் தமிழ் மக்களிடம் குறித்த நபர்கள் சட்டவிரோதமான முறையில்  நிதி திரட்டியதாகவும், அந்த நிதியை தமிழீழ விடுதலைப் புலிகளுக்கு அனுப்பி வைத்ததாகவும் குறிப்பிடப்படுகிறது.

குறித்த ஐந்து இலங்கைத் தமிழர்களுக்கும் சிறைத்தண்டனை விதிக்கப்பட்டுள்ளதாகவும் உச்ச பட்சமாக ஆறு ஆண்டு சிறைத்தண்டனை விதிக்கப்பட்டுள்ளதாகவும் தெரிவிக்கப்படுகிறது.

தமிழ் இளைஞர் அமைப்பு, நெதர்லாந்து தமிழ் கலை கலாச்சார அமைப்பு போன்ற பெயர்களில் புலி ஆதரவு அமைப்புக்களை உருவாக்கி பல மில்லியன் யூரோ நிதியை குறித்த நபர்கள் திரட்டியுள்ளதாக அரச தரப்பு சட்டத்தரணிகள் குற்றம் சுமத்தியுள்ளனர்.

இவ்வாறு திரட்டப்பட்ட பணம் தமிழீழ விடுதலைப் புலிகளின் பயங்கரவாத நடவடிக்கைகளுக்காக பயன்படுத்தப்பட்டுள்ளதாக தெரிவிக்கப்படுகிறது.